काठमाडौं– सभामुख अग्निप्रसाद सापकोटाले अफगानिस्तानमा रहेका नेपालीलाई छिटो नेपाल ल्याउने वातावरण बनाउन सरकारलाई रुलिङ गर्नुभएको छ ।

प्रमुख प्रतिपक्षी एमालेले सरकारले अफगानिस्तानमा रहेका नेपालीहरूको उद्दारमा तदारुकता नदेखाएको भन्दै रुलिङको माग गरेपछि सभामुख सापकोटाले नेपालीहरूको उद्दारमा तदारुकता देखाउन रुलिङ गर्नुभएको हो ।

‘अफगानिस्तानमा नेपालीहरूको स्थिति के छ र त्यहाँ रहेका नेपालीहरूको उद्दारको विवरण यथाशीघ्र जानकारी गराउन म सरकारको ध्यानाकर्षण गराउँछु,’ सभामुखको रुलिङ छ ।