सुर्खेत – नेकपा एमाले कर्णाली प्रदेश अध्यक्ष गोरख बोगटीले पूर्वघोषित बैठक तथा भेलाहरु स्थगित गर्न मातहतका कमिटीलाई निर्देशन दिनुभएको छ ।
सामाजिक सञ्जालमा लेख्दै बोगटीले सो निर्देशन दिनुभएको हो । प्रदेश कमिटीको गत ३ भदौमा बसेको बैठकले १० वटै जिल्लामा विभिन्न मितिमा जिल्ला कमिटी बैठकहरु गर्ने निर्णय गरेको थियो । ती बैठकहरु अर्को सूचना नहुँदासम्मका लागि स्थगित गर्न बोगटीले निर्देशन गर्नुभएको छ । ।

एमालेको हिजो बसेको स्थायी समिति बैठकले १० गते केन्द्रिय कमिटी बैठक र १६ गतेदेखि जिल्ला तथा जनसंगठनका भेला गर्ने निर्णय लिएको छ ।