नेपालगञ्ज- बाँकेको जानकी गाउँपालिकाका अध्यक्ष रामनिवास यादवको शुक्रबार मृत्यु भएको छ ।

उपचारका लागि भेरी अञ्चल अस्पताल लैजादै गर्दा बाटैमा उहाँको मृत्यु भएको हो । गतवर्ष मृगौलाको अप्रेसन गरेका यादवलाई उच्च रक्तचाप र फोक्सो सम्बन्धी समस्या पनि थियो ।

राति अस्वस्थ्य भएपछि अस्पताल लैजाने क्रममा बाटैमा मृत्यु भएको पारिवारिक स्रोतले जानकारी दिएको छ । नेकपा एमाले लुम्बिनी प्रदेश कमिटीका सदस्य समेत रहनु भएका यादवको अन्त्येष्टि आज दिउँसो १ बजे गरिने एमाले बाँकेका अध्यक्ष सूर्य ढकालले जानकारी दिनुभयो ।