काठमाडौं– नेपाल प्रेस युनियन काठमाडौंका पूर्वअध्यक्ष नकुल अर्याललाई पितृशोक परेको छ । उहाँका पिता दुर्गादत्त अर्यालको ७२ वर्षको उमेरमा उपचारका क्रममा शनिबार राती निधन भएको छ ।

२००६ साल बैशाख १२ गते स्याङ्जाको साविक बानेथोक देउराली गाविस ४ मा जन्मनुभएका दुर्गादत्त अर्याल २०१५ सालको आम निर्वाचनका दौरान पिता शोभाकान्त अर्यालको प्रेरणाबाट कांग्रेस जिताउने राजनीतिक अभियानमा सक्रिय हुनुभएको थियो ।

हाल भरतपुर महानगरपालिका १२ मा स्थायी बसोबास गर्दै आउनुभएका अर्याल लामो समयदेखि मृगौला सम्बन्धी समस्याबाट ग्रसित हुनुहुन्थ्यो ।