काठमाडौं -लामो समय देखि सडकमै थुप्रिएको काठमाडौंको फोहोर आज देखि उठाइने भएको छ ।
महानगरमा प्रमुख विद्यासुन्दर शाक्य,सडक विभागका महानिर्देशक अर्जुन थापा,प्रहरी बरिष्ठ उपरिक्षक लगायतको हिजोको बैठकपछि आजबाट फोहोर नियमित उठाउने निर्णय गरिएको महानगरले जनाएको छ ।
महानगर प्रमुख शाक्यका अनुसार फोहोर व्यवस्थपनका लागि विभिन्न निकायसाग निरन्तर छलफल चलिरहेको छ । सिसडोलमा २०६२ देखि निरन्तर फोहोर फालिएको हो । ‘डम्पिङ साइटको व्यवस्थापन गर्ने काम सहरी विकास मन्त्रालयको हो । हामीले महानगरको फोहोर लगेर फाल्ने मात्र हो’ मेयर शाक्यले भन्नुभयो ।
सिसडोलसम्म जाने सडक ममरत गर्ने काम सडक विभागले तत्काल गर्ने भएपछि आज विहानैबाट फोहोर उठाइने भएको हो ।