संखुवासभा– संखुवासभामा एकै परिवारका ६ जनाको हत्या भएको छ ।

मादी नगरपालिका- १ उम्लिङका तेजबहादुर कार्कीको परिवारका सदस्यको हत्या भएको स्थानीय प्रहरीलाई उद्धृत गर्दै प्रतिनिधि सभाका सांसद राजेन्द्र गौतमले नेपाली बहस डट कमलाई जानकारी दिनुभयो ।

प्रहीका अनुसार स्थानीय ५८ वर्षीया तेजबहादुर कार्की, उनकी आमा ८० वर्षीया पार्वता कार्की, श्रीमती ५६ वर्षीया मनमाया कार्की, २८ वर्षीया बुहारी रञ्जना कार्की, १० वर्षीय नाती दिपक कार्की र ५ वर्षीया नातिनी गोमा कार्कीको हत्या भएको हो ।

वडा नम्बर १ का वडाध्यक्ष खेमनाथ कटुवालका अनुसार घटना भएको घरमा घरमुली ८० वर्षीय बौद्धमान कार्की मात्र जीवित छन् ।

जिल्ला प्रहरी कार्यालयका प्रमुख डीएसपी लालध्वज सुवेदीले अज्ञात समूहले धारिलो हतियार प्रयोग गरी उनीहरूको हत्या गरेको जानकारी दिनुभयो । घटनाबारे थप अध्ययन भइरहेको उहाँले बताउनुभयो ।

घटनाको अनुसन्धानका लागि डीएसपी सुवेदीसहितको प्रहरी टोली घटनास्थलतर्फ लागेको छ ।

सांसद गौतमले धरानबाट तालिमप्राप्त कुकुरसहितको टोली घटनास्थल पठाइएको बताउनुभयो ।