काठमाडौं– गत २४ घन्टामा नेपालमा १ हजार २७१ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार ११ हजार ९४४ नमूना परीक्षण गर्दा सो संख्यामा कोरोना पुष्टि भएको हो ।

यस्तै, कोरोना संक्रमणका कारण पछिल्लो २४ घण्टामा १४ जनाको मृत्यु भएको छ । योसँगै नेपालमा कोरोनाबाट मृत्यु हुनेको संख्या १० हजार ९०३ पुगेको छ ।

यस्तै, पछिल्लो २४ घन्टामा १८४५ जना निको भएका छन् । मन्त्रालयका अनुसार हाल सक्रिय संक्रमितको संख्या २८ हजार ६७८ छ ।