काठमाडौं– सभामुख अग्निप्रसाद सापकोटाले पेलेर संसद बैठक अघि बढाएको भन्दै एमाले सांसद रेखा झा आक्रोसित हुनुभएको छ ।

उहाँले शुक्रबारको बैठकमा सभामुख सापकोटातिर हान्न आसनको माइक तान्नुभएको थियो । उहाँले नलुकाइ संवाददाताहरुसित भन्नुभयो, ‘मिलेको भए त्यही माइकले म सभामुखको टाउकोमा हान्थेँ। सभामुखले संसदीय मर्यादा कायम राखेनन् । अब मौका पाएँ भने म सभामुखको टाउकोमा हान्छु।’

नियम कानुन उलंघन गर्नेलाई हान्दा फरक नपर्ने उहाँको भनाइ छ । ‘सभामुखले संसदीय मर्यादा कसले कायम गर्न सकेनन्,’ उहाँले भन्नुभयो, ‘हामीले आज त माइक मात्रै तान्यौँ, अब मौका मिल्यो भने सभामुखलाई हान्छौँ।’

एमालेको विरोधबीच सभामुखले संसदको कारबाही अगाडि बढाउनुभएको थियो ।