सुर्खेत – जिल्ला प्रहरी कार्यालय दैलेखले भदौ २९ गते दैलेखको गुराँस गाउँपालिका ८ का शिक्षक नगेन्द्रकुमार विसीका मुख्य हत्या आरोपीलाई पक्राउ गरी बुधबार सार्वजनिक गरेको छ ।
प्रहरीले सोही वडाकी २५ वर्षीय मुना रानालाई नगेन्द्रको हत्या आरोपमा नियन्त्रणमा लिएको र रानाले हत्या गरेको स्वीकार गरेको जानकारी दिएको छ ।

जिल्ला प्रहरी कार्यालय दैलेखका डिएसपी अनुपम श्रेष्ठका अनुसार मुनाले व्यक्तिगत रिसिवी भन्दै भदौ २८ गते राती साढे एक बजेको समयमा धारिलो छुराले घाँटीमा प्रहार गरेर हत्या गरेको स्वीकार गरेको बताएको छ । ।