हेटौडा- खेतबारीमा आउने जंगली जनावरहरुलाई भगाउन थापिएको विद्युतीय धरापमा परेर मकवानपुरमा एक युवाको मृत्यु भएको छ।
मनहरी–६ का ३४ वर्षीय रामलाल तामाङको विद्युतीय धरापमा परेर मृत्यु भएको जिल्ला प्रहरी कार्यालय मकवानपुरले जनाएको छ।
मंगलबार राति खेतमा आएको जंगली हात्ती धपाउन जाँदा उनी करेन्टसहितको तारमा अल्झिँदा मृत्यु भएको हो।

करेन्ट लागेर गम्भीर घाइते भएका रामलालको चितवनको भरतपुर मेडिकल कलेजमा उपचारका क्रममा मृत्यु भएको जिल्ला प्रहरी कार्यालय मकवानपुरले जनाएको छ।