सप्तरी-सप्तरीमा एक बालिकाको पोखरीमा डुबेर मृत्यु भएको छ । मंगलबार तीनजना डुबेर मृत्यु भएको थियो ।  आज फेरि एक जना बालिका पोखरीमा डुबेर मृत्यु भएको हो ।

मृत्‍यु हुनेमा महादेवा गाउँपालिका-२ अकबरपुर निवासी रामचरित्र मण्डलकी ५ वर्षीया छोरी शिवानी रहेकी छन् । उनको घर नजिकैको पोखरीमा नुहाउने क्रममा डुबेर मृत्यु भएको हो ।

मृतकको शवलाई पोष्टमार्टमका लागि राजविराजस्थित गजेन्द्रनारायण सिंह अस्पताल ल्याइएको सप्तरी प्रहरीका प्रबक्ता एवं डीएसपी भाधव प्रसाद काफ्लेले जानकारी दिनुभयो ।

यसअघि महादेवा गाउँपालिकामा ३० बर्षीया महिला, खडक नगरपालिकामा ३ बर्षीया र तिलाठी कोइलाडी गाउँपालिकामा १२ बर्षीया बालिकाको डुबेर मृत्यु भएको थियो ।