मोरङ– पार्टीको कुनै एजेन्डा नभएको भन्दै नेकपा (माओवादी) पार्टी परित्याग गर्दै मोरङको कानेपोखरीमा सिंगो गाउँ नै एमालेमा समाहित भएको छ ।

शनिबार नेकपा एमाले कानेपोखरी ४ नम्बर वडा कमिटीको विस्तारित बैठकमा नारायण चोक, नर्सरी टोल,मिलन चोक, पिङ्डाँडा, हस्तिनापुरका दुई दर्जन माओवादी नेताहरु एमालेमा समाहित भएको हो । समाहित हुने माओवादी पार्टीका जिल्ला कमिटी सदस्य, गाउँ कमिटी सचिवालय सदस्य र वडा कमिटी सचिवालय सदस्यहरु रहेका छन् ।

नेकपाबाट एमाले माओवादी अलग भए पछि पनि पूर्वमाओवादी नेताहरु चित्रबहादुर राई, डम्बर कटुबाल र टेक बहादुर तामाङ भने एमालेमै रहनुभएको थियो । तामाङ भने गत स्थानीय तहको निर्वाचनमा माओवादी पाटीबाट ४ नं। वडामा वडाध्यक्ष उम्मेदवार हुनुहुन्थ्यो ।

नेताहरुलाई एमाले प्रदेश १ सदस्य डिपी राई, मोरङ क्षेत्र नं। ३ ख, का सांसद तथा पूर्वराज्य मन्त्री राजकुमार ओझालगायतले स्वागत गर्नुभयो ।