काठमाडौं -नेपालगञ्जबाट मुगु जाँदै गरेको यात्रुबाहक बस दुर्घटना हुँदा ठूलो संख्यामा हताहती भएको छ ।
जिल्ला समन्वय समिती मुगुका संयोजक पूर्ण बहादुर रोकायाका अनुसार नेपालगञ्जबाट दशैं मनाउन मुगुका स्थानीय बासिन्दा लिएर आउदै गरेको बस छाँयानाथ नगरपालिकाको पीना गाउँ आसपास दुर्घटना भएको खबर आएको छ । बस भीरबाट खसेको बताइएको छ । ‘डिएसपीले मलाई ८–१० जनाको शव भेट्यौं भन्नुभएको छ’ रोकायाले नेपाली बहस डट कमसँग भन्नुभयो ‘म जिल्लामा भएका एम्बूलेन्सहरुलाई घाइतेको उद्धार गर्न घटनास्थलतर्फ पठाउदैछु ।’दुर्घटनास्थलमा सिडिओ र डिएसपी सहितको टोली पुगिसकेको रोकायाले जानकारी दिनुभयो ।
बसको नम्बर,यात्रुको संख्या र हताहतीको विस्तृत विवरण आउन बाँकी छ ।