काठमाडौं – पछिल्लो २४ घन्टामा देशभरिमा ५९१ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालय अनुसार ७ हजार ६५४ जनामा गरिएको पिसिआर परीक्षणबाट ५२३ र २ हजार ४३ जनामा गरिएको एन्टिजेन परीक्षणबाट ६८ जनामा कोरोना संक्रमण पुष्टि भएको हो ।

देशभर अहिलेसम्म पिसिआर परीक्षणबाट ८ लाख  ५ हजार ५६० जनामा र एन्टिजेन परीक्षणबाट ९३ हजार ४३० जनामा कोरोना संक्रमण पुष्टि भइसकेको छ। मन्त्रालयका अनुसार सोही अवधिमा ९३७ जना कोरोना संक्रमणबाट मुक्त भएका छन् । यो सहित अहिलेसम्म निको हुनेको संख्या ७ लाख ८२ हजार ३९३ पुगेको छ ।

२४ घन्टामा कोरोना संक्रमणबाट ९ जनाको मृत्यु भएको छ। आज थपिएका सहित अहिलेसम्म मृत्यु हुनेको संख्या ११ हजार २९३ पुगेको छ ।

देशभरिमा ११ हजार ८७४ जना सक्रिय संक्रमित रहेको मन्त्रालयले जनाएको छ । तीमध्ये १० हजार ८४७ जना होम आइसोलेसनमा र १ हजार २७ जना संस्थागत आइसोलेसनमा उपचाररत छन् ।

त्यसैगरी २८० जनाको आईसियुमा उपचार भइरहँदा ९९ जना भेन्टिलेटरमा रहेको मन्त्रालयले जनाएको छ।