महेन्द्रनगर -बाढीले वितण्डा मच्चाएको कञ्चनपुरमा अर्को दुखद घटना भएको छ । आज बिहानै हात्तीले आक्रमण गरेर एक दम्पतीको मृत्यू भएको छ ।

शुक्लाफाँटा नगरपालिका–१२ वसन्तपुरमा हात्तीले आक्रमण गर्दा पति–पत्नीकै मृत्यु भएको इलाका प्रहरी कार्यालय झलारीका प्रहरी निरीक्षक कर्ण बोहराले जानकारी दिनुभयो।
प्रहरीका अनुसार हात्तीको आक्रमणबाट ६६ वर्षीय ध्वजबहादुर कार्की र उनकी श्रीमती ५३ वर्षीया मधुरा कार्कीको मृत्यु भएको हो।