काठमाडौं – एमाले अध्यक्ष तथा पूर्वप्रधानमन्त्री केपी ओलीले अब मुलुक तीन तहकै निर्वाचनतर्फ जाने भन्नुहुँदै आफ्ना नेता तथा कार्यकर्तालाई तयारी रहन निर्देशन दिनुभएको छ ।

आज एकैपटक देशभरका ७५३ वटै स्थानीय तहमा एमालेको पालिका र इलाका अधिवेशन केन्द्रीय कार्यालयबाट जुममार्फत उद्घाटन गर्नुहुँदै अध्यक्ष ओलीले केन्द्रीय, प्रादेशिक र स्थानीय तहको निर्वाचन गर्ने गरी मुलुकअघि बढ्ने भन्नुहुँदै नेता तथा कार्यकर्तालाई तयारी रहन निर्देशन दिनु भएको हो ।

यद्यपि, मिति र समय भने अहिले नै तय भइनसकेको भन्दै उहाँले अब मुलुक निर्वाचनतर्फ अघि बढ्ने बताउनुभयो ।

कानूनको गलत प्रयोगबाट एमालेका हरेक नेता कार्यकर्तामाथि पीडा दिएको बताउनुभएका ओलीले एमालेले आफ्ना नेता तथा कार्यकर्तालाई अनुशासनमा राख्नसमेत नदिने गरी आदेशहरू जारी भएको टिप्पणी गर्नुभयो ।