महोत्तरी- बर्दिबास-३, पाटुका कृष्ण खत्रीलाई कोरोना खोप लगाए पनि रोगबाट बच्न सकिन्छ भन्ने कुनै विश्वास थिएन । जब गाउँका मान्छे धमाधम प लगाउन थाले तब उनलाई उत्साहित बनायाे ।

`कोरोनाबाट बच्न खोप लगाउने भन्दा पनि मैले चै सवैतिर खोप लिएपछि जता जान पनि मिल्ने थाहा पाएपछि खोप लगाएको हुँ,’ उहाँले भन्नुभयो ।

खत्रीलाई कोरोना खोप लिएर राम्रो गरेको भन्ने लाग्छ ।
कोरोना खोप लगाएकामा संक्रमण भइहालेमा पनि मृत्युदर कम रहेकाले आत्मबल बढिरहेको खत्री सुनाउनुहुन्छ ।

`सबैभन्दा ठूलो त आत्मबल रहेछ, ´ उहाँले भन्नुभयो, `अहिले मलाई कोरोना लागिहालेमा पनि निको भैइहाल्छ भन्ने लाग्छ । त्यसै कारण परिवारले नै कोरोना खोप लगायौँ ।´ उनका छिमेकी द्रोण खड्काले पनि खाेप लगाएका छन् ।
`भारत जान पनि खाेप लगाएको प्रमाण देखाउनुपर्ने, अस्पतालमा उपचार गर्न जान खोप लगाएको प्रमाण देखाउनुपर्ने जस्ता नियमले मैले कोरोना विरुद्धको खोप लिए, ´ उहाँले भन्नुभयो । खोप लगाएपछि खडकालाई ज्वरो, रुघाखोकी जस्ता केही लक्षण पनि देखिए तर, ज्वरो पाँच दिनपछि आफैँ ठिक भयो ।

खत्री र खडका जस्तै महोत्तरीमा अझै कोरोना खोप के हो र यसले कसरी प्रतिरक्षा गर्छ भन्ने धेरैलाइ थाहा छैन । भारत लगायत अन्य देशमा काम गर्न जानेका लागि कोरोना खोप अनिवार्य गरेपछि बाध्यतामा नै धेरैले चासाे लिने गरेका छन् ।

युवापुस्ता, शिक्षित वर्ग बाहेकले खोपको विषयमा खासै चासो नदेखाएको बर्दिबास अस्पतालका मेसु सुनिल दाह सुनानुहुन्छ ।

महोत्तरीमा ८ चरणमा खाेप लगाइएकाे छ ।जसबाट २ लाख ४८ हजार २ सय ९ जना अर्थात कुल जनसंख्याको झण्डै ५२ प्रतिशतले मात्र खोप लिएका छन् ।