चितवन – नेकपा एमालेको १०औँ महाधिवेशनको उद्घाटन सत्र सम्पन्न भएको छ । उद्घाटन सत्र सकिए लगत्तै नारायणी नदी किनारबाट नेताहरू भोलिबाट सुरु हुने बन्द सत्रका लागि सौराहातर्फ लागेका छन्।

चितवनको नारायणी नदी किनारमा भएको उद्घाटन सत्रको अध्यक्ष केपी शर्मा ओलीले झण्डोत्तोलन गरेर उद्घाटन गर्नुभएको थियो । सो उद्घाटन कार्यक्रममा विभिन्न राजनीतिक दलका नेताहरूले समेत सम्बोधन गर्नुभएको थियो ।