बुटवल – रुपन्देहीमा ट्रकको ठक्करबाट मोटरसाइकलमा सवार बाबु–छोराको मृत्यु भएको छ ।

मृत्यु हुनेमा स्याङ्जाको चापाकोट नगरपालिका–४ का ५३ वर्षीय गीतानाथ खनाल र उनका १३ वर्षीय छोरा सुदीप रहेका प्रहरीले जनाएको छ ।

बुटवलबाट बेलहियातर्फ जाँदै गरेको ना ३ ख ३८६० नम्बरको ट्रकले ग ११ प ५४४४ नम्बरको मोटरसाइकललाई ठक्कर दिँदा गम्भीर घाइते उनीहरुलाई युनिभर्सल कलेज अफ मेडिकल साइन्सेज भैरहवामा लगिएको थियो । तर अस्पतालले मृत घोषणा गरेको रुपन्देही प्रहरी प्रवक्ता नवरत्न पौडेलले जानकारी दिनुभयो । ठक्कर दिने ट्रकलाई प्रहरीले नियन्त्रणमा लिएको छ ।