जनकपुरधाम – कोरोनाभाइरस (कोभिड–१९) विरूद्धको भ्याक्सिन बिक्री गर्ने दुईजनालाई अख्तियारको टोलीले जनकपुरधाम-७ बाट पक्राउ गरेको छ ।

महोत्तरीको महोत्तरी गाउँपालिका-२ स्थित स्वास्थ्य चौकीको हेल्थ असिस्टेन्ट अजय साह र उनका सहयोगी कृष्णकुमार यादवलाई पक्राउ गरेको हो ।

अमेरिकन कम्पनी जोनसन एण्ड जोनसनको ३ भायल भ्याक्सिन २१ हजार रूपैयामा बिक्री गरेका दुवैजनालाई अख्तियार दुरुपयोग अनुसन्धानको कार्यालय बर्दिवासको टोलीले पक्राउ गरेको हो ।

थप अनुसन्धान र कारवाहीका लागि उनीहरूलाई अख्तियारको हिरासतमा राखिएको छ ।