काठमाडौं – शिव सेना नेपाल, ललितपुरको आयोजनामा प्रथम अनमोल स्मृति पुरुष खुला बास्केटबल प्रतियोगिता आइतबारदेखि हुने भएको छ।

प्रतियोगिता बिहीबारदेखि हुने तालिका रहे पनि प्राविधिक कारणले आइतबारदेखि मात्र सुरु हुने आयोजकका अध्यक्ष रवीन्द्र अवालेले बुधबार आयोजित पत्रकार सम्मेलनमा जानकारी गराउनुभयो ।

प्रतियोगितामा ८ टिमले लिग कम नकआउट आधारमा प्रतिस्पर्धा गर्ने छन् । समूह ‘ए’ मा टाइम्स, कीर्तिपुर, विएमके र गोल्डेनगेट रहेका छन् । रोयल, गोड्स, स्कल क्यान्डी र क्याम्पियन समूह ‘बी’ मा छन् ।

विजेताले १ लाख र उपविजेताले ५० हजार नगद पुरस्कार पाउने छन् । ‘मोस्ट भेलुएबल प्लेयर’ लाई १० हजार नगदबाट पुरस्कृत गरिने छ । खेलहरू चण्डोलस्थित विशाल मिलन केन्द्र (बिएमके) को कोर्टमा हुने छ ।