देशभर चिसो बढेसँगै खोटाङको जन्तेढुंगा गाउँपालिकाले एक साता विद्यालय बन्द गरेको छ।

गाउँपालिकाले १५ पुसदेखि २३ पुससम्म विद्यालय बन्द गर्ने निर्णय गरेको हो । 

जन्तेढुंगा गाउँपालिकामा ३६ वटा सामुदायिक विद्यालय छन्।  बुधबार बिहानदेखि खोटाङमा वर्षा र उच्च पहाडी भेगमा हिमपात भइरहेको छ। 

हिमपातका कारण टेम्के, चखेवा भञ्ज्याङ, मैयुँ, लौरे, मेरुङ, बहानेपोखरी, रावाधाप, वाप्लुखाको मूलडाँडा लगायत स्थान सेताम्मे भएका छन्।