काठमाडौं – नेपालमा थप २४१ जनामा कोरोना भाइरसको संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार बिहीबार २४१ जना संक्रमित थपिएका हुन्।

पछिल्लो २४ घण्टामा ८ हजार ८९७ जनाको कोरोना परीक्षण गर्दा सो संख्यामा संक्रमित थपिएका हुन्। ६ हजार ८१४ जनाको पिसिआर परीक्षण र २०८३ जनाको एन्टिजेन परीक्षण गरिएको थियो। २२८ जना निको समेत भएको मन्त्रालयले जनाएको छ।

यस्तै पछिल्लो २४ घण्टामा भने कोरोनाको संक्रमणबाट मृत्यु हुनेको संख्या शून्य छ। हाल देशभर सक्रिय संक्रमितको संख्या ४ हजार ८७१ पुगेको छ।

यस्तै काठमाडौं उपत्यकामा १४५ संक्रमित थपिएका छन्। जसमध्ये काठमाडौंमा १०९, भक्तपुरमा ११ र ललितपुरमा २५ गरी १४५ छन्।