बुटवल – प्रहरीले कपिलवस्तुबाट एक गर्भवती महिलाको हत्या आरोपमा दुई जनालाई पक्राउ गरेको छ । मृतक महिलाका पति र ससुरालाई प्रहरीले पक्राउ गरेको हो ।

जिल्लाको यशोधरा गाउँपालिका-८ का अन्दाजी २१ वर्षीया रहिसुन्निसा मुसलमानलाई हत्या गरेको आरोपमा उनका पति २२ वर्षीय मोहम्मद नसिम अलि मुसलमान र निजको बुवा ५० वर्षीय अब्बास अलि मुसलमानलाई पक्राउ गरिएको जिल्ला प्रहरी कार्यालय कपिलवस्तुले जनाएको छ ।

मृतक महिला दुई महीनाको गर्भवती भएको र मृत्यु शंकास्पद भएकोले शुक्रबार गाडेको शव उत्खनन गरी पोष्टमार्टमको लागि लुम्बिनी प्रदेशिक अस्पताल बुटवल पठाइएको जिल्ला प्रहरी प्रवक्ता प्रहरी नायब उपरीक्षक धर्मराज भण्डारीले बताउनु भयो ।