मकवानपुर – मकवानपुरबाट प्रहरीले ७९८ एम्पुल लागू औषधसहित एक जनालाई पक्राउ गरेको छ । हेटौंडा उपमहानगरपालिका वडा नम्बर–१९ बस्तीपुरबाट शुक्रबार राति ८ बजेको समयमा करिब ८ सय एम्पुल लागु औषधसहित एक युवतीलाई प्रहरीले पक्राउ गरेको हो ।

पक्राउ पर्नेमा मकवानपुरको बकैया गाउँपालिका–४ छतिवन घर भई हाल हेटौडा–१९ बस्तिपुरस्थित डेरा गरेर बस्दै आएकी वर्ष २९ की नानीमाया खत्री रहेका छन् ।

खत्रीलाई विशेष सूचनाका आधारमा जिल्ला प्रहरी कार्यालय मकवानपुरबाट खटिएको प्रहरी टोलीले लागू औषधसहित बस्तिपुरस्थित उनकै डेरा कोठाबाट पक्राउ गरेको प्रहरीले जनाएको छ । प्रहरीका अनुसार खत्रीको डेराबाट डाईजेपाम २८० एम्पुल, फेनार्गन २६८ एम्पुल र नुफिन २५० एम्पुल गरी कुल ७९८ एम्पुल लागु औषध बरामद गरेको हो ।

पक्राउ परेका उनीमाथि थप अनुसन्धान भइरहेको जिल्ला प्रहरी कार्यालयले बताएको छ ।