काठमाडौं -अमेरिकी सहयोग सम्बन्धी परियोजना एमसीसी दर्ता गर्नका लागि आज दिउसो १ बजे संसदको बैठक बस्दैछ ।

बैठकमा अमेरिकी सहयोगसम्बन्धी परियोजना एमसीसी अनुमोदनका लागि टेबल हुन सक्नेछ । यद्यपि, संसद् सचिवालयको सम्भावित कार्यसूचीमा भने एमसीसी समावेश छैन ।
तर, प्रधानमन्त्री शेरबहादुर देउवासहितका नेताहरूले आजको बैठकमा एमसीसी टेबल हुने जानकारी दिनुभएको छ । नेपाली कांग्रेसको हिजो बसेको संसदीय दलको बैठकमा देउवाले तत्कालीन नाफा–घाटा नहेरी एमसीसी टेबल गर्ने जानकारी दिनुभएको थियो ।