पर्सा – सशस्त्र प्रहरीले पर्साबाट तीन किलो अफिमसहित एक महिलालाई पक्राउ गरेको छ।

आज बिहान प्रहरीले वीरगञ्ज महानगरपालिका–१५ भेडियाहीबाट बारा जितपुर सिमरा उपमहानगरपालिका–७ की ४० वर्षीय रिनादेवी रामलाई पक्राउ गरेको हो।

नेपालबाट भारततर्फ जाँदै गरेकी रामको साथबाट प्रहरीले ६ पोका अफिम बरामद गरेको हो।

सशस्त्र प्रहरी बल १३ नम्बर हेडक्वार्टर पर्साबाट खटिएको प्रहरीले रामलाई पक्राउ गरी आवश्यक कारबाहीको लागि जिल्ला प्रहरी कार्यालय पर्सामा पठाएको बताइएको छ।