काठमाडौं – गैर–आवसीय नेपाली महासंघ (एनआरए) का पूर्वअध्यक्ष भवन भट्टले संगठनमा कलियुगमा प्रवेश गरेको भन्दै अध्यात्मक तरिकाले व्याख्या गर्नु भएको छ ।

काठमाडौंमा जारी १०औँ महाधिवेसनलाई सम्बोधन गर्दै संस्थापक अध्यक्ष उपेन्द्र महतोको पालामा एनआरएन सत्ययूगमा रहेको र अहिले कलियुगमा प्रवेश गरेको उहाँको तर्क छ ।

‘एनआरएन स्थापना गर्दैगर्दा उपेन्द्रजीको पालामा सत्ययुगमा थियो, जीवाजीको पालामा चुनाव भएन त्यसलाई तेत्रायुग नै मानौं,’ भट्टले भन्नुभयो, ‘मेरो पालामा शेषजीसँग निर्वाचन भयो, त्यसलाई द्धापर युग मानौं, अहिले विवाद देख्दा कलियुग जस्तो लागेको छ ।’ यद्यपि, एनआरएन संस्था पवित्र उदेश्यका साथअघि बढेकाले विचलित नभइकन एनआरएनको एकताका लागि पहल गर्न उहाँले आब्हान गर्नु भएको छ ।