पाल्पा – पाल्पामा तीन वर्षीया बालिकालाई बलात्कार गरेको आरोपमा प्रहरीले एक जना युवक पक्राउ गरेको छ ।

बालिकालाई जबरजस्ती करणी गरेको अभियोगमा तिनाउ गाउँपालिका–५ डेरा गरी बस्ने प्युठान झिम्रुक गाउँपालिका–६ घर भएका २५ वर्षीय प्रेम पुन मगरलाई आज साँझ प्रहरीले पक्राउ गरेको हो ।

पुनले ती बालिकालाई आइतबार बेलुकी जबरजस्ती करणी गरेको भन्ने खबर प्राप्त हुनासाथ जिल्ला प्रहरी कार्यालय पाल्पाबाट खटिएको प्रहरीले उनलाई पक्राउ गरेको थियो । यस सम्बन्धमा प्रहरीले थप अनुसन्धान गरिरहेको छ ।