तनहुँ –  तनहुँमा १७ वर्षीय किशोरी बलात्कार गरेको आरोपमा प्रहरीले एक जनालाई पक्राउ गरेको छ । पक्राउ पर्नेमा भानु नगरपालिका–३ कालामाटा बस्ने लमजुङ दुधपोखरी गाउँपालिका–६ घर भएका २१ वर्षीय युवा रहेका छन् ।

ती युवालाई प्रहरी चौकी तुरतुरेले शुक्रबार बिहान पक्राउ गरेको हो  । ती युवाले किशोरीलाई बलात्कार गरेको खबर प्राप्त हुनासाथ प्रहरी चौकी तुरतुरेबाट खटिएको प्रहरीले उनलाई पक्राउ गरेको हो ।

घटनाका सम्बन्धमा प्रहरीले थप अनुसन्धान गरिरहेको छ ।