ललितपुर– महालक्ष्मी नगरपालिकाको खोप अभियान लुभुबाट सुरु भएको छ ।

नगर प्रमुख रामेश्वर श्रेष्ठको अध्यक्षतामा वडा नं ८ स्थित लुभु माध्यमिक विद्यालयमा टाइफाइड रोग विरुद्धको खोप अभियानको शुभारम्भ भएको छ ।

कार्यक्रममा वडा नं ८ का वडा अध्यक्ष विश्वराज श्रेष्ठ, प्रमुख शिक्षा अधिकृत चिरञ्जिवी पौडेल, स्वास्थ्य शाखा प्रमुख हेमलाल ज्ञवाली, लुभु माध्यमिक विद्यालयका व्यवस्थापन समिति अध्यक्ष हरिगोविन्द श्रेष्ठ, विद्यालयका प्रधानाध्यापक नीलप्रसाद दुलाल, नगरपालिकाका स्वास्थ्यकर्मीहरू, स्थानीय सरोकारवालाहरू र विद्यालयका शिक्षक तथा कर्मचारीहरूको उपस्थिति रहेको थियो ।

आजबाट २०७९ वैशाख ५ गतेसम्म १५ महिना पूरा भई १५ वर्ष सम्मका बालबालिकाहरूलाई टाइफाइड रोग विरुद्धको खोप लगाउने कार्यक्रम रहेको छ।