काठमाडौं– नेकपा (एकीकृत समाजवादी) काठमाडौं जिल्ला कमिटीले शनिबार काठमाडौंमा जनसभा आयोजना गर्‍यो ।

भृकुटीमण्डपको बगैँचामा सिनियर नेताहरुको उपस्थितिमा एकीकृत समाजवादीको सभा भएको हो ।

माधव कुमार नेपालले उद्घाटन गरेको दुवै कार्यक्रममा पार्टीको जनसभामा भन्दा रेस्लिङ तिर मानिसहरूको भीड देखियो ।

नेपाल महिला रेस्लिङ फाउन्डेसनको आयोजनामा अन्तर्राष्ट्रिय रेस्लिङ प्रतियोगिता एकदिने रेस्लिङ आयोजना भइरहेको छ । रेस्लिङमा नेपाललगायत अमेरिका, भारत र पाकिस्तानका रेस्लरको भिडन्त हुने फाउन्डेनकी अध्यक्ष समेत रहेकी रेस्लर भगवती खड्का (युनिका) ले जनाएकी छन् ।

पार्टी सभामा उपस्थिति न्यून भएपछि माधव नेपालले निराशा व्यक्त गरेका थिए ।

एमालेलाई च्यालेन्ज गर्न पार्टी चोइटाउनुभएका नेपालले आगामी चुनावमा आफ्नो पार्टीलाई जिताउने भन्दा पनि एमालेलाई हराउने नीति लिनुभएको छ ।

देशभर एमाले प्रवेश गर्ने र एमालेका सभामा उपस्थिति बाक्लिँदै गर्दा एकीकृत समाजवादी कठीन अवस्थामा पुगेको छ ।

तस्बिर स्रोत : रातोपाटी