वीरगञ्ज– मधेसका शक्तिशाली २२ जना स्थानीय तहका जनप्रतिनिधि एमालेमा प्रवेश गरेपछि स्थानीय तहको निर्वाचनमा एमालेप्रतिको आकर्षण मतदातासम्म पुगेको छ ।

मधेसबाट पूर्व माओवादीका प्रभावशाली नेताहरु प्रभुु साह, ज्वाला साह लगायत एमालेमा प्रवेश गरेपछि माओवादीबाट विजयी भएका धेरै जनप्रतिनिधि नेताहरु एमालेमा प्रवेश गरेपछि मधेसमा एमालेको माहोल बढेको हो ।

माओवादीबाट मात्र होइन,जनता समाजवादी पार्टीका प्रभावशाली नेता एवं वीरगञ्ज महानगरका मेयर विजय सरावगी एमाले प्रवेश गरेपछि सधैं चौथो स्थानमा रहेको एमाले अब वीरगञ्जको मेयरमा जित सुनिश्चित भएको नेताहरु बताउँछन् । सरावगीका अनुसार मधेसका मतदाताले एमालेप्रतिको धारणालाई सकारात्मक बनाएका छन् । विगतमा मधेसवादी नेताहरुले आफ्नो स्वार्थका लागि अध्यक्ष केपी शर्मा ओली र मधेसप्रति नकारात्मक टिप्पणी गरेकोले मतदाता भड्किएका थिए । तर अहिले त्यो क्रम रोकिएको छ । ‘अब मधेसमा एमालेको पक्षमा जनमत आउँछ,’ सरावगीले यो बेलासँग भन्नुभयो ‘माओवादी, लोकतान्त्रिक समाजवादी, जनता समाजवादी जस्ता मधेसमा आधारित पार्टी छोडेर एमाले रोज्नेहरुको संख्या दैनिक बढिरहेको छ । अहिले त जनता नै एमालेको पक्षमा उर्लिएका छन् ।’

जलेश्वर नगरपालिका उपप्रमुख मनचुन देवी लोकतान्त्रिक समाजवादीबाट एमालेमा प्रवेश गर्नुभएको छ । मधेसमा राजनीतिक दलका नेताहरुले यहाँको विकास र समृद्धि भन्दा निजी स्वार्थलाई बढी महत्व दिएको बताउनुहुन्छ । ‘हाम्रो पालामा मधेसमा भएका केही विकृति र विसंगतीको अन्त्य होस्, मानिसहरुको आर्थिक, सामाजिक विकास होस र पारदर्शिता होस भन्ने चाहन्छा,ैं’ मनचुन भन्नुहुन्छ, ‘त्यसका लागि हामीले केपी ओलीको नेतृत्व रोज्यौं ।’ मधेसका आम मतदाता अहिले एमालेको पक्षमा रहेको मनचुनको भनाइ छ ।

जानअनजानमा अघिल्लो पटकको निर्वाचनमा मधेसका जनता एमाले र केपी ओलीको विपक्षमा थिए । तर समयले सत्यता बाहिर ल्यायो । अहिले मधेसको विकास र समृद्धिमा केपी ओलीको योगदान मानिसहरुले थाहा पाएर एमालेप्रति सकारात्मक भएको एमाले मधेस प्रदेश प्रचार विभाग सदस्य महेश दासले जानकारी दिनुभयो ।

महोत्तरीको सम्सी गाउँपालिकाका अध्यक्ष शेष फारुक माओवादी पार्टी छोडेर एमालेमा प्रवेश गर्नुभएको छ । नेकपा हुँदा पार्टीको हैसियत बढेको, जनताले नेकपालाई रोजेकोमा प्रचण्ड लगायतका नेताहरुको स्वार्थका कारण सरकार गिराउने खेल भएको बताउनुहुन्छ । ‘म नेकपाको निरन्तरताका रुपमा एमालेमा प्रवेश गरेको हुँ,’ फारुक भन्नुहुन्छ, ‘मधेसका जनतामा अब धेरै सचेतना आइसकेको छ । माओवादीको आश्वासनको राजनीतिमा यहाँका मतदाता भुल्दैनन् अब ।’केन्द्रीय प्रचार विभागका सदस्य महेश दासका अनुसार निम्न जिल्लाका निम्न स्थानीय तहका प्रमुख र उपप्रमुख अन्यपार्टीबाट एमालेमा प्रवेश गरेका छन् ।

विभिन्न दलबाट एमाले प्रवेश गर्ने जनप्रतिनिधिहरु
पर्सा
प्रमुख- ३ उपप्रमुख- ३
१ वीरगन्ज महानगर पालिका प्रमुख विजय कुमार सरावगी ( जसपा )
२ छिपहरमाई गाँउ पालिका प्रमुख मनोजकुमार गुप्ता ( माओवादी ) ३ जगरनाथपुर गाउँपालिका प्रमुख जालिम मियाँ ( माओवादी) ४ धोवीनी गाँउ पालिका का उपप्रमुख पारसनाथ प्रसाद कुर्मी ( जसपा )
५ सखुवाप्रसौनि गाँउ पालिका का उपप्रमुख फुलमतीकुमारी थरुनी ( जसपा )
६ बहुदरामाई नगर पालिकाका उप प्रमुख गायत्री देवी ( कांग्रेस )

बारा
प्रमुख- १
१ आदर्श कोतवाल गाउँपालिका प्रमुख मुस्तुफा अन्सारी ( जसपा )

रौतहट
प्रमुख- ४ उपप्रमुख- ५
१ इशनाथ नगरपालिका प्रमुख सन्तोष कुमार मेहता (कांग्रेस )
२ कटहरिया नगरपालिका प्रमुख सिताराम प्रसाद कुशवाह ( माओवादी )
३ मौलापुर नगर पालिका प्रमुख रीना कुमारी साह ( माओवादी )
४ राजपुर नगर पालिका प्रमुख मो सकिल अख्तर ( कांग्रेस )
५ देवाही गोनाही नगरपालिका उप प्रमुख परनिया देवी ( माओवादी ) ६ फतुवा विजयपुर नगर पालिका उप प्रमुख कौशिला राउत जयसवाल ( माओवादी )
७ मौलापुर नगरपालिका उप प्रमुख गौरी शंकर प्रसाद ( माओवादी )
८ यमुनामाई गाउँ पालिका उप प्रमुख गीतादेवी साह ( माओवादी )
९ राजदेवी नगरपालिका उप प्रमुख अंशु सिंह ( जसपा )

सर्लाही
प्रमुख १
१ कविलासी नगरपालिका प्रमुख कौशलकिशोर यादव ( लोसपा )

महोत्तरी
प्रमुख १ उप प्रमुख २
१ सम्सी गाउँ पालिका प्रमुख शेष फारुक ( माओवादी )
२ जलेश्वर नगरपालिका उपप्रमुख मनचुन देवी ( लोसपा )
३ पिपरा गाउँपालिका उप प्रमुख विनोदकुमार चौधरी ( लोसपा )

धनुषा
उप प्रमुख २
१ गणेशनाथ चारनाथ नगरपालिका उप प्रमुख मिनाकुमारी यादव ( माओवादी )
२ विदेह नगर पालिका उपप्रमुख निलम कुमारी देवी ( माओवादी )

सिरहा र सप्तरी मा धेरै वडा अध्यक्षहरु प्रवेश गरे पनि पालिका प्रमुख र उप प्रमुख प्रवेश गरेका छैनन् ।