हुम्ला -नेकपा एमाले अदानचुली गाउँ कमिटीले पत्रकार नवराज महतारासहित ७ जनाको नाम गाउँपालिकाअध्यक्षमा सिफारिस गरेको छ ।
एमाले अदानचुली गाउँ कमिटीका अध्यक्ष बुध भण्डारीले आफूसँगै महतारासहित सात जनाको नाम जिल्ला कमिटीमा सिफारिस गरिएको जानकारी दिनुभयो । जसअनुसार गाउँपालिकाकी वर्तमान उपाध्यक्ष सौमती रावल, प्रदेश कमिटी सदस्यद्वय विष्णु बुढा र धन्जे परियार, जिल्ला अध्यक्ष कलबहादुर हमाल र केन्द्रीय सल्लाहकार सदस्य रामबहादुर दानीको नामसमेत जिल्ला कमिटीमा सिफारिस गरिएको छ ।

उम्मेदवारहरुको टुंगो लगाउन अहिले सदरमुकाम सिमकोटमा कार्यदलको बैठक बसिरहेको छ ।