पाल्पा – पाल्पामा नेकपा एमालेबाट दुईजना महिला उम्मेदवार निर्विरोध निर्वाचित हुनुभएको छ ।

आउँदो वैशाख ३० गते हुने स्थानीय तह निर्वाचनका लागि वैशाख १२ गते भएको मनोनयन दर्ताको क्रममा एकल उम्मेदवारी परेपछि उहाँहरु निर्विरोध निर्वाचित हुनुभएको हो ।

पूर्वखोला गाउँपालिका वडा-२ जल्पाकी महिला सदस्य भिमिसरा आले र वडा नं।५ विरकोटकी दलित महिला सदस्य पार्वती हिताङ्ग निर्विरोध निर्वाचित भएका हुन् ।

दुबै उम्मेदवारको एकल उम्मेदवारी परेकाले निर्वाचन अधिकृतको कार्यालय पूर्वखोलाले दुबैजना उम्मेदवारलाई निर्विरोध निर्वाचित भएको घोषणा गरेको हो ।