मकवानपुर – चुनावी सभालाई सम्बोधन गर्ने नेकपा एमालेका अध्यक्ष केपी शर्मा ओलि भोली हेटौंडा जानुहुने भएको छ । एमाले हेटौंडा उपमहानगरपालिकाले सभाको आयोजना गर्दैछ ।

१८ बैशाखमा मकवानपुरको हेटौंडा उपमहानगरपालिका –४ स्थित हुप्राचौर परिसरमा उपमहानगर स्तरीय अन्तिम चुनावी सभा गर्ने एमाले मकवानपु जिल्लाका अध्यक्ष एकालाल श्रेष्ठले जानकारी दिनुभयो । ‘पार्टी अध्यक्ष केपी शर्मा ओलीको प्रमुख आतिथ्यतामा ४० हजारभन्दा बढी जनसहभागितामा चुनावी सभा गर्ने तयारी छ’, श्रेष्ठले भन्नुभयो ।

त्यसअघि हेटौंडा उपमहानगरका विभिन्न चार वटा नाकाबाट पैदल ¥याली गरी हुप्राचौरमा जम्मा भएर १२ बजे कार्यक्रम शुरु गर्ने र १ बजे अध्यक्ष ओलीले कार्यक्रमलाई सम्बोधन गर्ने तयारी भएको अध्यक्ष श्रेष्ठले बताउनभुयो ।

प्रचार समितिका संयोजनक धुब्रप्रसाद चौलागाईका अनुसार कार्यक्रममा पार्टी प्रवेश कार्यक्रमसमेत हुनेछ । उहाँले कार्यक्रममा तीन सय जनाको स्वंयमसेवा परिचालन गरिने जानकारी दिनुभयो । चुनावी सभामा १० वटै स्थानीय तहका नेता कार्यकर्ताहरू सहभागी हुने मकवानपुर एमालेले जनाएको छ ।