काठमाडौं – नेकपा एमालेबाट काठमाडौंको मेयर पदका उम्मेदवार केशव स्थापितले चुनाव जितिसकेकाले अब कोषणा हुन मात्रै बाँकी रहेको बताउनुभएको छ ।

वडा नंबर १० को अल्फा परिवारले मंगलबार आयोजना गरेको कार्यक्रमलाई सम्बोधन गर्दै उहाँले यस्तो बताउनुभएको हो । ‘मैले चुनाव जितिसके । अब घोषणा हुन बाँकी हो,’ उहाँले भन्नुभयो ।

उहाँले अब कार्यक्रममा आफूलाई मेयरको उम्मेदवार नभई मयर भनेर सम्बोधन गर्न पनि आग्रह गर्नुभयो ।

कार्यक्रमलाई सम्बोधन गर्दै उहाँले उपत्यका विकास प्राधिकरण महानगर मातहतमा हुनुपर्ने बताउनुभयो ।

एक फरक प्रसंगमा बोल्दै उहाँले कामपाका पूर्व कर्मचारी रश्मिला प्रजापतिलाई सिर्जना सिंहले आफूबिरुद्ध प्रयोग गरेको बताउनुभयो । ‘अहिले बोल्नै हुँदैन महिला हिंसा भइहाल्छ,’ उहाँले भन्नुभयो, ‘चुनावमा आफू पो भिड्नुपरो, अरुलाई भिडाएर हुन्छ ?’