काठमाडौं– नेकपा एमालेका अध्यक्ष केपी शर्मा ओलीले असार १७ गते नेपालको राजनीतिमा उलटभेर आउने दाबी गर्नुभएको छ ।

विजयकुमारको कार्यक्रम दिशानिर्देशलाई दिएको अन्तर्वार्तामा अध्यक्ष ओलीले भन्नुभएको छ, ‘असारको महिना नेपालको राजनीतिमा उलटफेर आउँदैछ, ग्रह दशाको हिसाबले असाधारण छ । गठबन्धनका दलहरुले आफैं भताभुंग पार्ने खालको छ ।’

अध्यक्ष ओलीले प्रधानमन्त्री शेरबहादुर देउवालाई असारको ग्रह हेराउन पनि चुनौती दिनुभएको छ । ‘म ज्योतिषी होइन, शेरबहादुर देउवाजी ज्योतिषमा विश्वास गर्नुहुनछ, उहाँलाई भन्न चाहन्छु, ज्योतिषी बोलाएर सोध्नुस् असार १७ गते कस्तो छ,’ अध्यक्ष ओलीको चुनौती छ ।

अध्यक्ष ओलीले आफूले चाहे गठबन्धन सात दिनमा भत्काउन सक्नेसमेत जिकिर गर्नुभएको छ ।