उदयपुर – उदयपुरको रौतामाई गाउँपालिका वडा-१ मा नेकपा एमालेको प्यानल नै विजयी भएको छ ।

वडा-१ मा एमालेका वडाध्यक्ष उम्मेदवार रुद्रबहादुर कार्कीसहितको प्यानल विजयी भएको हो ।

कार्कीले निकटतम प्रतिष्पर्धीलाई १३६ को मतान्तरमा ४२६ मत प्राप्तगरी विजय हाँसिल गरेका हुन् । वडाको खुल्ला सदस्यहरुमा तिलकबहादुर खड्का, मंगलबहादुर तामाङ विजयी भएका छन् । महिला सदस्यमा ज्ञानकुमारी मगर विजयी बनेका छन् भने यसअघि दलित महिला सदस्यमा फुलमाया विश्वकर्मा दियाली विजयी भइसक्नु भएको छ ।

यस पालिकामा पालिका अध्यक्ष र उपाध्यक्षमा एमाले नै अग्रस्थानमा रहेको छ । वडा-१ बाट एमालेका अध्यक्ष उम्मेदवार भरतबहादुर थापाले ३८६ मत प्राप्त गरेका छन् भने उपाध्यक्षमा कुमारी रानाज्यू ठकुरीले ३८३ मत प्राप्त गर्नु भएको छ ऽ

निकटतम प्रतिद्वन्द्वि गठबन्धनको अध्यक्ष उम्मेदवार नेकपा माओवादी केन्द्रका विरेन्द्र मगरले ३२९ मत र उपाध्यक्ष भुपेन्द्र थापाले २४३ मत पाएका छन् ।