काभ्रे – काभ्रेको बेथानचोक गाउँ पालिका र तेमाल गाउँ पालिकाको मतगणना रोकिएको छ ।

मतगणना गर्ने क्रममा दलका प्रतिनिधिहरुबीच भएको विवादले तेमाल गाउँपालिकाको वडा-१ को मतगणना रोकिएको हो । शनिबार राति ८ बजेदेखि रोकिएको मतगणना अझैं सुरु भएको छैन ।

तेमाल गाउँपालिका निर्वाचन अधिकृत बिमला रेग्मीका अनुसार रातिदेखि रोकिएको मतणना सुरु गर्नको लागि बिहान सर्वदलीय बैठक बोलाएको जानकारी दिनु भयो । बेथानचोक गाउँ पालिकामा पनि मतगणना रोकिएको निर्वाचन अधिकृत लक्ष्मी प्रसाद रेग्मीले जानकारी दिनु भयो ।