इलाम -इलामको रोङ गाउँपालिकामा नेपाली काँग्रेसका मनिकुमार स्याङबो अध्यक्षमा निर्वाचित हुनुभएको छ । उहाँले नेकपा एमालेका मेहेरमान तामाङलाई पराजित गर्नुभएको हो । स्याङबोले ४ हजार छ सय ७९ मत पाउनुभयो भने तामाङले चार हजार तीनसय २२ मत पाउनुभएको छ ।
उपाध्यक्षमा भने नेकपा एमालेकी विष्णुमाया भुजेल निर्वाचित हुनुभयो । उहाँले काँग्रेसकी कल्पना देवी खनाल भण्डारीलाई पराजित गर्दै भुजेल पालिका उपाध्यक्षमा निर्वाचित हुनुभएको हो । भुजेलले चार हजार छ सय ५६ मत प्राप्त गरेकी छिन् भने खनालले चार हजार एक सय ९७ मत पाउनुभएको छ ।