गुलरिया – बर्दियाको बाँसगढी नगरपालिकाको प्रमुख र उपप्रमुखमा नेकपा एमालेका खडक बहादुर खड्का र इन्दिरा चौधरी विजयी हुनुभएको छ ।

प्रमुखमा माओवादी केन्द्रका भवन कुमार थारु र उपप्रमुखमा नेपाली कांग्रेसकी आकाश थारुलाई पराजित गर्दै उनीहरुले जित हाँसिल गर्नुभयो ।

एमालेका विजयी खड्काले १० हजार ९४७ मत प्राप्त गर्नुभयो। प्रतिस्पर्धी माओवादीका थारुले ९ हजार ७६३ मत प्राप्त गर्नुभयो । उपप्रमुखमा एमालेकी चौधरीले ११ हजार ३५ मत प्राप्त गर्नुभयो ।

प्रतिस्पर्धी नेपाली कांग्रेसका आकाश थारुले ८ हजार ५१२ मत प्राप्त गर्नुभयो। बाँसगढी नगरपालिकाको ९ वटा वडाहरु मध्ये एमाले ३, कांग्रेस, ३ माओवादीले ३ स्थान जितेको छ ।

निर्वाचन अधिकृतको कार्यालय बाँसगढीका अनुसार एमालेबाट वडा नम्बर २ मा अर्जुन कुमार खड्का, ४ मा कृष्णप्रसाद वास्तोला र वडा नम्वर ८ को अध्यक्षमा तुल प्रसाद गौतम विजयी हुनुभएको छ ।

नेपाली कांग्रेसबाट वडा नम्बर ५ मा दहवा थारु, ७ मा बलिराम चौधरी र ९ मा चन्द्र बहादुर शाही विजयी हुनुभएको छ ।

माओवादी केन्द्रबाट वडा नम्बर १ मा जयराज पाण्डे, ३ मा रामचन्द्र थारु र वडा नम्बर ६ मा लाल बहादुर क्षेत्री अध्यक्ष पदमा निर्वाचित हुनुभएको छ ।