काठमाडौं– भक्तपुरको सूर्यविनायक नगरपालिकामा नेकपा (एमाले) बाट निर्वाचित मेयर उपमेयर अध्यक्ष केपी शर्मा ओली निवास बालकोटमा पुग्नुभएको छ ।

प्रमुख वासुदेव थापा र उपप्रमुख सरिता भट्टराई ओली निवास बालकोट पुग्नुभएको हो । अध्यक्ष ओलीले मेयर उपमेयरलाई बधाई दिनुभयो ।

मेयरमा थापा १४ हजार ७५८ मतका साथ निर्वाचित हुनुभएको छ । उहाँका निकटतम प्रतिद्वन्द्वी कांग्रेसका निशान ढुङ्गेलले १३ हजार २३२ मत प्राप्त गर्नुभयो ।

त्यसैगरी उपप्रमुखमा भट्टराई १४ हजार ४९० मतसहित निर्वाचित हुँदा उहाँका निकटम प्रतिद्वन्द्वी एकीकृत समाजवादीका श्याम बस्नेतले ६ हजार ६६१ मत प्राप्त गर्नुभयो ।

एमालेका उम्मेदवार वडा नं १, ५, ७, ८ र १० वडामा तथा बाँकी ५ वडामा गठबन्धनका उम्मेदवारले जित हासिल गरेका छन् ।