विराटनगर – बेलबारी नगरपालिकाको प्रमुखमा एमालेका दिलप्रसाद (डीपी) राई विजयी भएका छन्।

नेपाली कांग्रेसका महेन्द्रप्रसाद सुवेदीलाई ८०२ मतले पछि पार्दै राई नगरप्रमुख चुनिएका हुन्। ​

राईले १६ हजार ४२२ मत प्राप्त गरे भने उनका निकटतम प्रतिद्वन्द्वी सुवेदीले १५ हजार ६२० मत प्राप्त गरेका छन्। उपमेयरमा नेपाली कांग्रेसका नितु थापा विजयी भएकी छिन्।

थापाले १३ हजार ७३१ मत प्राप्त गर्दा उनकी निकटतम प्रतिद्वन्द्वी एमालेकी तिलकुमारी न्यौपानेले १३ हजार ६०५ मत प्राप्त गरिन्। थापाले न्यौपानेलाई १२६ मतान्तरले हराएकी हुन् । ०७४ मा प्रमुख र उपप्रमुख दुवैमा एमाले विजयी भएको थियो।