काठमाडौं – राष्ट्रिय प्रजातन्त्र पार्टीका अध्यक्ष राजेन्द्र लिङ्देनले सरकारले ल्याएको बजेट ललिपप मात्रै भएको बताउनुभएको छ ।

बुधबार प्रतिनिधि सभा बैठकमा राजश्व र व्ययको वार्षिक अनुमानमाथि छलफल गर्दै उहाँले मानिसलाई भुल्याउने किसिमले मात्र बजेट ल्याइएको बताउनुभयो ।

उहाँले इमान्दारी पूर्वकभन्दा अहिलेको बजेटले हाम्रो जीवनमा परिवर्तन गर्न नसक्ने बताउनुभयो । ‘देशमा अहिले जुनप्रकारको आर्थिक संकट देखिँदै गएको छ। जुनप्रकारको मूल्य वृद्धि देखिँदै गएको छ । त्यसलाई रोक्नेतर्फ यो बजेट उन्मुख छैन ।’ उहाँले भन्नुभयो, ‘यो बजेट केबल निर्वाचन लक्षित छ, आगामी निर्वाचनलाई केन्द्रमा राखेर ल्याएको छ । बजेटको स्रोत के हो, कार्यान्वयनका आधारहरु के हुन् कहि पनि स्पष्ट छैनन् ।’

बजेटको जवाफमा अहिले मात्रै होइन पहिले पनि वितरणमुखी आएको भन्दै पन्छिएको भन्दै लिङ्देनले आपत्ति जनाउनुभयो ।