काठमाडौं – मानिसहरुले आफ्नो जन्मदिनलाई विभिन्न तरिकाले मनाउने गर्दछन् । मदन भण्डारी स्पोर्टस एकेडेमीका केन्द्रिय अध्यक्ष ध्रुब आचार्यले भने खेल गतिविधि मार्फत आफ्नो जन्मदिन मनाउनुभएको छ ।

अध्यक्ष आचार्यको जन्मदिनमा बुधबार काठमाडौंमा मैत्रीपूर्ण फूटसल प्रतियोगिता भएको छ । एकेडेमी र स्वास्थ्यकर्मीहरुको समूहबीच प्रतियोगिता सम्पन्न भएको हो । अध्यक्ष आचार्य आफै पनि प्रतियोगितामा सहभागि हुनु भएको थियो ।

काठमाडौंस्थित मेट्स फुटसल ग्राउण्डमा सम्पन्न प्रतियोगिता रोमाञ्चक थियो । प्रतियोगितामा स्वास्थ्यकर्मी समूहबाट डा. सञ्जिवभक्त बिष्ट, डा. दमन साउद, डा. रोमन धिताल, डा. सुजन महर्जन, गम्भीर लामिछाने, प्रेम बिष्ट लगायत खेल्नु भएको थियो। उक्त समूहको नेतृत्व नेपाल नेश्नल अस्पताल काठमाडौंका मेडिकल डाइरेक्टर डा. प्रकाश पौड्यालले गर्नु भएको थियो ।

एकेडेमीको समुहबाट अध्यक्ष ध्रुब आचार्य, सल्लाहकार प्रा. पशुपति अधिकारी, सल्लाहकार दीपक ज्ञवाली, कार्यलय सचिब बिनोद आचार्य, सचिबालय सदस्यहरु मनोज खड्गी, सुन्दर थापा, केन्द्रिय सदस्य प्रेम सुवेदी लगायत खेल्नु भएको थियो ।