काठमाडौं – काठमाडौंको दक्षिणकाली नगरपालिकास्थित फर्पिङको जंगलमा दुईजना युवा युवती मृत भेटिएका छन्। मृतकको सनाखत हुन सकेको छैन ।

२० देखि २२ वर्षका देखिने युवा युवतीको शव स्थानीयले देखेपछि प्रहरीलाई खबर गरेका थिए।

काठमाडौं उपत्यका अपराध अनुसन्धान कार्यालयका प्रमुख एसएसपी वसन्तबहादुर कुँवरका अनुसार युवा युवती मृत भेटिएको ठाउँमा अहिले स्थानीय प्रहरीको युनिट पुगिसकेको छ।