काठमाडौं – नुवाकोटको तादी गाउँपालिका–४ स्थित घिरौंले भिरमा स्कुल हिँडेकी शिक्षिका स्कुटरसहित खोलामा खस्नुभएको छ। सुन्दरा माध्यमिक विद्यालय सातबीसेमा अध्यापन गर्ने राधिका आचार्यको शव तादी खोलामा भेटिएको जिल्ला प्रहरी कार्यालय नुवाकोट डिएसपी रुपक खड्काले जानकारी दिनुभयो ।

दुप्चेश्वर गाउँपालिका–६ घर भएकी शिक्षिका बा ९७ प ६९२५ नम्बरको स्कुटरमा विद्यालय जाँदै हुनुहुन्थ्यो । उनको स्कुटर पनि खोलामा फेला परेको छ । घटनाका विषयमा प्रहरीले अनुसन्धान सुरु गरेको छ ।