काठमाडौं – संस्कृति पर्यटन तथा नागरिक उड्डयनमन्त्री प्रेम आलेले नेपाल एयरलाइन्सका अध्यक्ष युवराज अधिकारीसँग अश्लील शब्द प्रयोग गरी गाली गरेको अडियो सार्वजनिक भएसँगै विवादमा तानिनुभएको छ ।

अपशब्द प्रयोग गर्दै मन्त्री आलेले अध्यक्ष अधिकारीलाई दुव्यर्वहार गरेका सुनिने अडियो सार्वजनिक भएसँगै उहाँको आलोचना भएको छ ।

यसअघि पनि उहाँले एकजना युवकलाई टेलिफोनबाट अपशब्द प्रयोग गरेको अडियो सार्वजनिक भए पछि विवादमा तानिनुभएको थियो ।

मन्त्री आलेले माधवकुमार नेपाल नेतृत्वको नेकपा एकीकृत समाजवादीबाट शेरबहादुर देउवा नेतृत्वको मन्त्रीमण्डलमा प्रतिनिधित्व गर्दै आउनुभएको छ । सो अडियो सार्वजनिक भए लगत्तै सामाजिक सञ्जालमा उहाँको राजीनामा माग गर्न थालिएको छ ।