काठमाडौ- दुईदिन अघि बाजुरको बुढीगंगामा नगरपालिकामा भएको निर्वाचनमा एमाले विजयतिर उन्मुख भएको छ । कुल ९ हजार ११७ मतमध्ये अहिलेसम्म ७ हजार ४१७ गणना सकिएको छ । दुवै पदमा एमालेका उम्मेद्वारहरु अगाडी छन् ।
प्रमुखमा एमाले उम्मेदवार रामबहादुर बानियाँ ७८० मतले अगाडि हुनुहुन्छ । बानियाँले ३ हजार ८८१ मत पाउँदा कांग्रेस उम्मेदवार रङ्गबहादुर खाती ३ हजार १०१ मत ल्याउनु भएको छ ।

उपप्रमुखमा एमालेकी मायाकुमारी खड्का कुँवरले ३ हजार ७५३ मत र रिता शाहीले ३ हजार १५३ मत पाउनु भएको छ ।
अहिलेसम्म वडा नम्बर १, २, ९, १०, ८, ७, ४ र ३ को गणना सकिएको छ । अब २ वटा वडाको गणना बाँकी छ । गणना सकिएका ८ वडामध्ये तीनवटा वडा ४, ७ र ८ अध्यक्षमा कांग्रेस विजयी भएको छ भने ५ वटा वडा एमालेले जितेको छ ।